أحمد زيدان شاعر عامية من العيار الثقيل
كتبهاأشرف الشافعى ، في 9 أبريل 2008 الساعة: 09:41 ص
أحمد زيدان شاعر عامية من العيار الثقيل
أحمد زيدان مسرحى و فنان و شاعر عامية من القاهرة
شاعرمن العيار الثقيل لا يهوى الظهور ولا يتكالب على المنتديات والندوات
يكتب كتابة مدهشة وصادقة تلتقى روحه مع شعر العامية خارج سرب التفاهات والتكرار والكتابة المجانية ، أتشرف بالقراءة له ومتابعته وصداقته واليوم تتشرف مدونتى بنشر قصيدته ( الفارس )
إحفظوا هذا الإسم جيدا ( أحمد زيدان ) شاعر لديه مايقوله ولديه ماهو أكثر من القول .
أحمد شكراً لأنك طهرت أذنى وذائقتى بعاميتك التى تعجبنى وتدهشنى وأحسب أنها ستنال إعجاب الكثيرين .
***********
الفـــارس
الفارس مش هو اللى يحارب علشان محبوبته
الفارس مش هو اللى يحارب علشان محبوبته
محبوبته دي صورة لمحها ف طرف كتاب
ماقراش منه إلا العناوين السخنة
ماقراش منه إلا العناوين السخنة
الفارس عنده الدرع المتلمع والخوذه ..
والتابع .. اللي يفك همومه بحيل البهلوانات
والتابع .. اللي يفك همومه بحيل البهلوانات
الفارس عاطل تقريبا
سالف من طوب الأرض فلوس
مش هيسددها إلا الورثة
الفارس برضك بني أدم بيحس بخوف م الجاي
الفارس رغم شجاعته الباديه بيتنطط
لو شاف صرصار الزرع بيبرم شنباته ومتحفز
لو شاف صرصار الزرع بيبرم شنباته ومتحفز
علشان هيغني !!
الفارس خلص على كل الأوهام اللي ف راسه ..
لكن تعبان م الحرب
لكن تعبان م الحرب
مجروح من هم ملازمه وبيفكر
ف حلول الفجر عليه..
من غير ما يموت م الفكر
ف حلول الفجر عليه..
من غير ما يموت م الفكر
الفارس مش قادر حتى يقول لحبيبته بحبك وسط الناس
الفارس خايف من صاحب القهوة يشوفه بيضحك ..
فبيضحك ضحكة خوف ملفوفة برطل كسوف م الأصلي
فبيضحك ضحكة خوف ملفوفة برطل كسوف م الأصلي
الفارس ما فضلوش
غير ضل صغنن مكسوف قوي
غير ضل صغنن مكسوف قوي
ف عيون الشمس
أنا عارف إني بجرّح نفسي
وبعذبها على قد ما بقد
وبعذبها على قد ما بقد
بصلبها يوماتي
من أول م الفجر بتاع صحياني ما يدن
وبمرمط بكرامة أهل الفارس ف الأغنية الجاهزة
قبل أما خيالي تهف عليه
حتة لوم ملهاش غير دشت الورق المدفون ف الشنطة
حتة لوم ملهاش غير دشت الورق المدفون ف الشنطة
والشنطة دي قصة طويله قوي
بدأت من أول ما حلمت إني ابقى مهم وما قدرتش
بدأت من أول ما حلمت إني ابقى مهم وما قدرتش
لكن خلتني أبطىء من الجري على التفاهات
وان كنت بحس معاها
ان العالم كله ف عبي لو عزت أبص عليه
ان العالم كله ف عبي لو عزت أبص عليه
أو عزت أسجل لحظة نشوة بمنظر مش مألوف
قال يعني نتيجة الحيط اللي بشيلها ف جيبي
هتقول مش عايزه كلام
هتقول مش عايزه كلام
هتصد القلم المش مبري عن أي كتابه؟
هتعافر قال جبروتي المرعب؟!!
مانا نفسي بحس إن أنا أوقات مابحسش بيا إلا أما بخاف
الفارس حاسس بس بأنه أناني
مايهموش إلا النياشين اللي مسمرها ف قلب الناس التانيه
وبيتباهى بلحظة اتورط فيها ف وسط الناس ..
فارتجل المشهد ..
واتورط ف بطولة عبيطه ..
مش بس كده
فارتجل المشهد ..
واتورط ف بطولة عبيطه ..
مش بس كده
دا في ناس افتكروا
انه بني أدم حي بجد!
وعبيط الفارس عجبه الدور ..
كان فاكر إنه ممثل جامد
كان فاكر إنه ممثل جامد
لكن مكياجه اتشلفط ..
أما اتورط ف قضية بجد
أما اتورط ف قضية بجد
واكتشف البسطا إن الفارس كان رابط دلاية قرد
بتساعده على أكل العيش ..
لما الدنيا ..
بتطلب بس الضحك
لما الدنيا ..
بتطلب بس الضحك
وأما بيتورط في الجد.
ـــــــــــــــــــــــــــــــــــــــــــــــــــــــــ
التصنيفات : عامية تعجبنى | السمات:عامية تعجبنى
أرسل الإدراج | دوّن الإدراج
